Bessy Bell and Mary Gray (1816-1820)/O are ye sleeping, Maggie

For other versions of this work, see Are Ye Sleepin', Maggie.
3211278Bessy Bell and Mary Gray — O are ye sleeping, Maggie1816-1820Robert Tannahill

O ARE YE SLEEPING, MAGGIE.

O are ye sleeping, Maggie,
O are ye sleeping, Maggie;
Let me in, for loud the linn
Is roaring o'er the warlock craigie.

Mirk and rainy is the night,
No a starn in a' the carry;
Lightnings gleam athwart the lift,
And winds drive wi' winter's fury.
O are ye, &c.

Fearful soughs the boortree bank,
The rifted wood roars wild and drearie;
Loud the iron yate does clank,
And cry of howlets maks me eerie.
O are ye, &c.

Aboon my breath I daurna speak,
For fear I rouse your waukrife daddie;
Cauld's the blast upon my cheek;
O rise, rise, my bonny lady!

O are ye, &c.

She opt the door, she let him in,
He cuist aside his dreeping plaidie;
Blaw your warst, ye rain and win',
Since, Maggie, now I'm in aside ye.

Now since ye're waking, Maggie,
Now since ye're waking, Maggie,
What care I for howlets' cry,
For boortree bank, or warlock craigie




This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse