Bide ye yet (1825)/Bide ye yet

For other versions of this work, see Bide ye yet (anonymous).

bide ye yet.

Gin I had a wee house, and a canty wee fire,
A bonny wee wifie to praise and admire,
A bonny wee yardie, a-side a wee burn,
Fareweel to the bodies that yammer & mourn

⁠Sae bide ye yet, and bide ye yet,
⁠Ye little ken what may betide you yet;
⁠Some bonny wee body may yet be my lot,
⁠And I’ll ay be canty wi’ thinking o’t.

When I gang afield, and come hame at e’en,
I’ll get my wee wifie fu’ neat and fu’ clean,
And a bonny wee bairnie upon her knee,
That will cry Papa or Dady to me.
⁠And bide ye yet, &c.

And if there should happen ever to be
A diffrence a’tween-my wi’ wifie and me,
In hearty good humour, altho’ she be teas’d,
I'll kiss her, and clap her, until she be pleas’d
⁠And bide ye yet, &c.