3198762Five excellent love songs — Auld Langsyne1811

AULD LANGSYNE.

Should auld acquaintance be forgot,
an’ never brought to mind?
Should auld acquaintance be forgot,
an’ days o’ langsyne?

For auld langsyne, my dear;
For auld langsyne;
We’ll tak a cup o’ kindness yet,
forauld langsyne.

We twa hae run about the braes,
an’ pu’d the gowans fine;
But we’ve wander’d mony a weary fit,
sin’ auld langsyne.

For auld langsyne, &c.

We twa hae paidelt in the burn,
whan simmer days were prime,
But seas between us braid hae roar’d,
sin’ auld langsyne.

For auld langsyne, &c.

An' there's a hand, my trusty feire,
an' gies a hand o'thine,
An' we'll toum the cup to friendship's growth,
an' auld langsyne.

For auld langsyne, &c.

An' surely ye'll be your pint-stoup,
as sure as I'll be mine,
An' we'll tak a right gude willie waught
for auld langsyne.

For auld langsyne, my dear;
for auld langsyne;
We'll tak a cup o' kindness yet,
for auld langsyne.


This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse