Jenny's bawbee. To which are added, The Caledonian Laddie. The Tippling Old Cobbler./Jenny's Bawbee

---

Jenny's Bawbee.

I MET four chaps yon birks amang,
⁠Wi' hanging lugs and faces lang,
I speer'd at nei'bour Bauldy Strang
⁠What are they these we see?
Quoth he, "Ilk cream fac'd pauky cheil,
"Thinks himself cunning as the deil,
'And here they come awa' to steal
⁠Jenny's Bawbee."

The first, a Captain to this trade,
Wi' ill-lined scull, and back weel clad,
March'd round the barn and by the shed,
⁠And papped on his knee;
Quoth he, "my goddess, nympha, and queen,
"Your beauty's dazzl'd baith my een;"
But deil a beauty he had seen,
⁠But Jenny's Bawbee.

A Norlan' Laird neist trotted up,
Wi bassen'd nag and siller whip,
Cry'd, ' here's my beast, lad had the grup,
⁠"Or tiw him to a tree:
'What’s goud to me, I’ve wealthh o’ lan’
‘ Bestow on ane o' worth your han’
He thought to pay what he was awn,
⁠Wi Jenny’s Bawbee.

A Lawyer neist wi’ blatherin gab,
Wi’ speeches wove like ony web;
In ilk anes corn he took a dab,
⁠And a’ for a fee;
Accounts he owed through a’ the town,
And tradesmen’s tongues nae mair could drown;
But now he thought to clout his gown,
⁠Wi’ Jenny’s Bawbee.

Quite spruce, just frae the washing tubs,
A fool came neist, but life has rubs,
Foul were the roads, and fu' the dubs,
⁠And fair besmear’d was he;
He danc’d up squinting thro’ a glass,
And grinn’d, ‘ I faith a bonny lass;"
He thought to win wi’ front o’ brass.
⁠Jenny’s Bawbee.

She bade the Laird gae kaim his wig,
The Soldier not to strut sae big,
The Lawyer not to be a prig,
⁠The fool he cry’d : “tee-hee.
"I ken’d that I could never fail;’
But she prinn’d the dish-clout to his tail,
And cool’d him wi’ a water-pail.
⁠And kept her Bawbee.

Then Johnny cam’ a lad o' sense,
Altho’ he had na mony pence,
He took young Jenny to the spence,
⁠Wi’ her to crack a wee;
Now, Johnny was a clever chiel,
And here his suit he press’d sae weel
That Jenny's, heart grew fast as jeel
⁠And she birl’d her Bawbee.