Christmas Carols, Ancient and Modern/In die Natiuitatis

For works with similar titles, see In die Nativitatis.

IN DIE NATIUITATIS.

Meruele nozt, iosep, on Mary mylde;
forsake hyr not they she be w^t chylde.
I iosep wonder how this may be,
That mary wex gret when y and she
euer haue leuyd in chastite;
If she be w^t chylde, hit ys not by me.
Meruell not, Joseph.
The holy gost w^t mercifull disstens
In here hathe entryd w^t owte offens,
God and man conceyued by hys p̃sens,
An the virgyn pure w^t owte violens.
Meruell no, ioseph.
What the angell of god to me dothe say,
I ioseph muste and will vmble obay,
Ellys pꝛuely y wolde have stole a way,
But now will y srue her tille y^t y day.
mũell not, iosep.
Josep, thow shalt her^e mayde & moder fynde,
here sone redemptor of all man kynde,
Thy fore faders of paynes to unbynde;
There for muse not this mater in thy mynde.
mũell not.