This page has been validated.


I hae a penny to spend,
There—thanks to naebody;
I hae naething to lend,
I'll borrow frae naebody.

I am naebody's lord,
I'll be slave to naebody;
I hae a guid braid sword,
I'll tak dunts frae naebody.
I'll be merry and free,
l'll be sad for naebody;
If naebody care for me,
I'll care for naebody.


Here awa, there awa, wandering Willie,
Here awa, there awa, hand awa hame;
Come to my bosomy, my ain only dearie,
Tell me thou bring'st me my Willie the same.

Winter winds blew loud and cauld at our parting,
Fears for my Willie brought tears in my ee;
Welcome now simmer, and welcome my Willie,
The simmer to nature, my Willie to me.