148
XXI. THE BATTLE OF BRUNANBURH.
Swylce ðā gebrōðor bēgen aetsǫmne,
cyning and æðeling, cȳððe sōhton
Wesseaxna land, wīges hrēmge.
Lēton him behindan hrā bryttigan[60]
5salowigpādan, ðone sweartan hræfn,
hyrnednębban, and ðone hasopādan
earn æftan hwīt, ǣses brūcan,
grǣdigne gūðhafoc, and ðæt grǣge dēor,
wulf on wealda. Ne wearð wæl māre[65]
10on ðȳs īglande ǣfre gȳta
folces gefylled beforan ðyssum
sweordes ęcgum, ðæs ðe ūs sęcgað bēc,
ealde ūðwitan, siþþan ēastan hider
Ęngle and Seaxe ūpp becōmon[70]
15ofer brāde brimu, Brytene sōhton,
wlance wīgsmiðas Wēalas ofercōmon,
eorlas ārhwate eard begēaton.
