7
A sail in sight appears !
We hail her with three cheers,
Now we sail,
With the gale,
From the Bay of Biscay, O.
Tam Glen.
My heart is a breaking, dear tittie,
Some counsel unto me come Jen’,
To anger them a' is a pity;
But what will I do wi’ Tam Glen?
I’m thinking, wi’ sic a braw fellow,
in poortith I might mak a fen',
What care I in riches to wallow,
If I mauna marry Tam Glen.
There’s Lowrie, the Laird o’ Drumeller,
“ Gude day to you,’’ brute, he comes ben:
He brags and he blaws o’ his siller,
But when will he dance like Tam Glen?
My minnie does constantly deave me,
And bids me beware o’ young men;
They flatter, she says, to deceive me;
But wha can think sae o’ Tam Glen?
My daddy says, gin I’ll forsake him,
He’ll gie me gude hunder marks ten,
But, if it’s ordain’d I maun take him,
O wha will I get but Tam Glen?
Yestreen at the Valentine’s dealing,
My heart to my mou gied a sten ;
For thrice I drew ane without failing,
And thrice it was written-Tam Glen.
The last Halloween I was waukin
My droukit sark-sleeve, as ye ken;
His likeness cam up the house staukin,
And the very gray breeks o' Tam Glen!
