Page:Gospel of Saint Matthew in West-Saxon.djvu/72

This page has been validated.
XIII, 17]
Secundum Mattheum
59

cwǣdon tō hym, For hwig spycst þū tō hym mid bigspellum?[1]

11. Đā andswarode hē hym, For þām þe ēow is geseald tō witanne heofena rīces gerȳnu, and him nys nā geseald.

12. Sōþlīce þām þe hæfþ, him byþ geseald, and hē hæfð; sōþlīce sē þe næfð, and þæt þe hē hæfð him bið ætbrōden.[2]

13. For ðām ic spece tō him mid bigspellum; for þām þe lōciende hig ne gesēoþ, and gehȳrende hig ne gehȳraþ nē ne ongytaþ:[3]

14. þæt on him sī gefylled Esaias wītegung, Of gehȳrnysse gē gehȳraþ, and gē ne ongytaþ; and lōciende gē gesēoþ, and [] ne gesēoð.[4]

15. Sōþlīce þises folces heorte is āhyrd, and hig hefelīce mid ēarum gehȳrdon, and hyra ēagan beclȳsdon; þē lǣs hig ǣfre mid ēagum gesēon, and mid ēarum gehȳron, and mid heortan ongyton, and sīn gecyrrede, and ic hig gehǣle.[5]

16. Sōþlīce ēadige synt ēowre ēagan, for þām þe hig gesēoþ; and ēowre ēaran, for þām þe hig gehȳraþ.[6]

17. Sōþlīce on eornust ic ēow secge þæt manega wītegan and rihtwīse gewilnudon[7] þā þing tō

  1. A, sprycst.
  2. A, seald.
  3. A, sprece; A, locigende.
  4. B, -nesse; A, B, locigende; Corp., om. ge, A, B, ge.
  5. A, hefilice; A, þy læs; A, oððe (for third and).
  6. A, synd.
  7. A, eornost; A, gewylnedon, B, gewilnodun.