Page:Hesiod, The Homeric Hymns, and Homerica.djvu/636

CONTEST OF HOMER AND HESIOD

ΟΜΗΡΟΣ

 Εἰ μὴ κερδαίνειν ἀπὸ τῶν αἰσχρῶν ἐθέλοιεν,

 οἱ δʼ ἀγαθοὶ τιμῷντο, δίκη δʼ ἀδίκοισιν ἐπείη.

ΗΣΙΟΔΟΣ

 Εὔχεσθαι δὲ θεοῖσι τί πάντων ἐστὶν ἄμεινον;

ΟΜΗΡΟΣ

 Εὔνουν εἶναι ἑαυτῷ χρόνον ἐς τὸν ἅπαντα.

ΗΣΙΟΔΟΣ

 Ἐν δʼ ἐλαχίστῳ ἄριστον ἔχεις ὅ τι φύεται εἰπεῖν;

ΟΜΗΡΟΣ

 Ὡς μὲν ἐμῇ γνώμῃ, φρένες ἐσθλαὶ σώμασιν ἀνδρῶν.

ΗΣΙΟΔΟΣ

 Ἡ δὲ δικαιοσύνη τε καὶ ἀνδρείη δύναται τί;

ΟΜΗΡΟΣ

 Κοινὰς ὠφελίας ἰδίοις μόχθοισι πορίζειν.

ΗΣΙΟΔΟΣ

 Τῆς σοφίης δὲ τί τέκμαρ ἐπʼ ἀνθρώποισι πέφυκεν;

ΟΜΗΡΟΣ

321 Γιγνώσκειν τὰ παρόντʼ ὀρθῶς, καιρῷ δʼ ἅμʼ ἕπεσθαι.

ΗΣΙΟΔΟΣ

 Πιστεῦσαι δὲ βροτοῖς ποῖον χρέος ἄξιόν ἐστιν;

ΟΜΗΡΟΣ

 Οἷς αὐτὸς κίνδυνος ἐπὶ πραχθεῖσιν ἕπηται.

ΗΣΙΟΔΟΣ

 Ἡ δʼ εὐδαιμονίη τί ποτʼ ἀνθρώποισι καλεῖται;

ΟΜΗΡΟΣ

 Λυπηθέντʼ ἐλάχιστα θανεῖν ἡσθέντα τε πλεῖστα.

582