TAM GIB AND THE SOW.
Quo' Nell, my wife, the ither day,
Provisions they are cheap, man:
And for the trifle it wid tak',
A sow we weel micht keep, man,
Indeed, says I, my dearest Nell,
I've just been thinking sae mysel',
And since we've on the notion fell,
I'll just gang down to Matiie Broon
This afternoon aud very soon
Bring hame yin in a rape man.
Sae in my pouch I put the rape
And down to Mattie's went man,
Resolved to hae a gude yin wault,
Reflections to prevent man.
As soon's as I enterd Mattie's door,
She blythely met me on the floor,
And kindly questioned speert a score,
Aboot mysel, the barns and Nell,
Nor can I tell what cracks befel,
Ere my errent it wa kent man.
But when auld stories a' were telt,
And aiblins something new man,
I faun 'twas time that I should mak:
Some mention o' the sow man.
When I my errant did unfauld,
I faun the young anes a' were sauld,
But gin I liked to tak the auld,
Wi' a' her heart she'd send her cart,
She weel could spare't, I thanked her for't,
But out the rape I drew, man.
