Page:Scotland's skaith, or, The history o' Will & Jean (2).pdf/6

This page has been validated.

(6)

In a Howm wha's bonny burnie
Whimperin row'd its chryſtal flood,
Near the road whar trav'llers turn aye,
Neat and bield a Cot-houle ſtood.

White the wa's wi' roof new theeckit
Window broads, juſt painted red;
Lown 'mang trees and braes it reekit,
Haſlins feen and haſlins hid.

Up the gavel end thick ſpreading
Crap the claſping Ivy green,
Back owre firs the high craigs cleading
Rais'd a' round a cozey ſcreen.

Down below a flow'ry meadow
Join’d the burnies winding line;——
Here it was, that Howe the widow
This famn day, fet up her ſign.

Brattling down the brae and near its
Bottom, Will firſt marvelin fees
PORTER, ALE and BRITISH SPIRITS
Painted bright between twa trees.

“Godſake! Tam here's walth for drinking:—
"Wha can this new comer be?——
"Hoot! quo' Tam there's drouth in thinking—
“Let's in, Will, and ſyne we'll ſee."

Nae mair time they took to ſpeak or
Think o' ought but reaming jugs;
Till three times in humming liquor
Ilk lad deeply laid his lugs.