imma : atta, frawaurhta mis in himin jah in andwairthja thein-
amma;
19. Ju thanaseiths ni im wairths ei haitaidau sunus theins ; gatawei mik swe ainana asnje theinaize.
20. Jah usstandands kwam at attin seinamma. Nauh- thanuh than fairra wisandan gasahw ina atta is jah infeinoda jah thragjands draus ana hals is jah kukida imma.
21. Jah kwath imma sa sunus : atta, frawaurhta in himin jah in andwairthja theinamma, ju thanaseiths ni im wairths ei haitaidau sunus theins.
22. Kwath than sa atta du skalkam seinaim: sprauto bringith wastja tho frumiston jah gawasjith ina jah gibith fig- gragulth in handu is jah gaskohi ana fotuns is ;
23. jah bringandans stiur thana alidan ufsneithith, jah mat- jandans wisam waila ;
24. unte sa sunus meins dauths was jah gakwiunoda, jah fralusans was jah bigitans warth ; jah dugunnun wisan.
25. Wasuth-than sunus is sa althiza ana akra jah kwimands atiddja nehw razn jah gahausida saggvins jah laikins.
26. Jah athaitands sumana magiwe frahuh hwa wesi thata.
27. Tharuh is kwath du imma thatei brothar theins kwam, jah afsnaith atta theins stiur thana alidan, unte hailana ina andnam.
28. Thanuh modags warth jah ni wilda in gaggan, ith atta is usgaggands ut bad ina.
29. Tharuh is andhafjands kwath du attin: sai, swa filu jere skalkinoda thus jah ni hvanhun anabusn theina ufariddja, jah mis ni aiw atgaft gaitein, ei mith frijondam meinaim biwesjau ;
30. ith than sa sunus theins, saei fret thein swes mith kalkjom, kwam, ufsnaist imma stiur thana alidan.
31. Tharuh kwath du imma : barnilo, thu sinteino mith mis wast jah is, jah all thata mein thein ist ;
32. Waila wisan jah faginon skuld was, unte brothar theins dauths was jah gakwiunoda, jah fralusans jah bigitans warth.
