Page:The booke of thenseygnementes and techynge that the Knyght of the Towre made to his doughters - 1902.pdf/60

This page has been proofread, but needs to be validated.

honde. The Plaisire of euery good woman is to see the faderles and moderles children and lytel poure children and them norysshe and clothe, as dide the holy lady that was Countesse of Mauns, whiche norysshed wel thyrtty orphanes and the lytel poure children for pyte, and therin was al hir disporte. And therfor she was louyd of god and had an holy lyf and a goode ende. And ther was, sene at her deth a grete clercnes and lyght alle full of lytel children. These were not the smale houndes that were black whiche were sene with the other, as ye haue herd to fore.