Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/129

This page has been proofread, but needs to be validated.
113
LIBER QUARTUS.
113


¶ The ix fable is of the hors / of the hunter and of the hert

NOne ought to put hym ſelf in ſubiection for to auenge hym on other / For better is not to ſubmytte hymſelf / than after to be ſubmytted / As reherceth to vs this fable / Of an hors whiche had enuye ouer an herte / by cauſe the herte was fayrer than he / and the hors by enuye went vnto an hunter / to whome he ſayd in this manere / yf thow wylt byleue me / we ſhalle this day take a good proye / Lepe vpon my bak / and take thy ſwerd / and we ſhalle chace the herte / and thow ſhalt hytte hym with thy ſwerd / and kylle hym / and ſhalt take hym / and thenne his fleſſhe thow mayſt ete / and his ſkynne thow mayſt ſelle /

¶ And thenne the hunter moued by auaryce / demaunded of the hors / thynkeſt thow by thy feythe that we may take the herte / of whomme thow ſpeketh to me of /  ¶ And the hors anſwerd thus / Suffyſe the / For ther to I ſhalle put al my dylygence and alle my ſtrengthe / lepe vpon me / and doo after my counceylle /  ¶ And

thenne

H