¶ The ix fable is of the foxe / of the wulf / and of the lyon /
F hit be ſoo that ony hath ben
adommaged by other he ought
not to take vengeaūce by the
tong in gyuyng Iniuryous wordes /
and the cauſe why / is by cauſe /
that ſuche vengeaunce is diſhoneſt. As to us reherceth this preſent fable / Somtyme was a foxe /
that ete fyſſhe in a Ryuer / ¶ It happed / that
the wulf came that waye / ¶ And whanne he
ſawe the foxe / whiche ete with ſo grete appetyte
/ He beganne to ſaye / My broder gyue me
ſomme fyſſhe / And the foxe anſuerd to hym /
Allas my lord / It behouveth not that ye ete the
releef of my table / but for the worſhip of your
perſone I ſhall counceylle yow wel / Doo ſoo
moche to gete yow a baſket / And I ſhalle teche
yow how men ſhalle take fyſſhes / to thende /
that ye may take ſomme whan ye ſhalle be
hongry / And the wulf wente in to the ſtreete /
and ſtalle a baſket / whiche he brought with
hym / the foxe tooke the baſket / and bound
it with a cord at the wulfs taylle / ¶ And
