¶ The x fable is of the wulf whiche made a fart
T is folye to wene more / than men
ought to doo / For what someuer a
foole thynketh · hit ſemeth to hym
that hit ſhalle be / As it appiereth
by this fable / of a wulf / whiche
ſomtyme roſe erly in a mornynge / And after
that he was ryſen vp fro his bedde / as he retched
hym ſelf / made a grete fart / and beganne to ſaye
to hym ſelf / bleſſed be god therfore / theſe ben
good tydynges / this daye / I ſhalle be wel fortunate
and happy / as myn ers ſyngeth to me /
And thenne he departed from his lodgys / and
biganne to walke and goo / & as he wente on his
way he fonde a ſak ful of talowe / whiche a
woman had lete falle / and with his foote he
torned hit vpſo doune / and ſayd to hym / I ſhalle
not ete the / For thow ſholdeſt hurte my tendre
ſtomak / and more is / I ſhall this day haue better
mete / and more delycious / For well I knowe
this by myn ers/ whiche dyd ſynge it to me /
And ſayenge theſe wordes went his way / And
