Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/177

 

to me / ¶ And as he paſſed thurgh the ſtrete / he ſawe ſomme ſheep / and as the ſhepe ſawe hym / they entryd in to a ſtable / ¶ And whan the wulſ came there he ſayd to them in this manere / God kepe you my ſuſters / I muſt ete one ot yow / to thende / that I may be fylled and rassasyed of my grete honger / And thenne one of them ſayd to hym / Certaynly my lord / ye are welcome to paſſe / For we ben comen hyder for to hold a grete solempnyte / wherfore we alle praye yow / that ye pontyfycally wylle ſynge   And after the ſeruyſe complete and done / doo what ye wyll of the one of vs / & thenne the wulf for vayn glory / faynyng to be a prelate beganne to ſynge and to howle before the ſheep / ¶ And whanne the men of the toune herd the voys of the wulf / they came to the ſtable with grete ſtaues and with grete dogges / and wonderly they wounded the wulf / and almoſt brouoght hym to deth / that with grete payne he coude goo / neuertheles he ſcaped / and wente vnder a grete tree / vpon the whiche tree was a man whiche hewe of the bowes of the tree / The wulf thenne beganne to ſyghe ſore / and to make grete ſorowe of his euylle fortune / and ſayd / Ha Jupiter how many euyls haue I had and ſuffred this daye / but wel I preſume and knowe / that hit is by me and by myn owne cauſe / and by