vepen / wherwith I maye ſtrongly punyſſhe and bete me by grete penaunce / For wel worthy I am to receyue a gretter deſciplyne / And the good man whiche was vpon the tree / herkened alle theſe wordes and deuyſes / and ſayd no word / ¶ And whanne the wulf had fynyſſhed alle his ſyghes and complayntes / the good man toke his axe / wherwith he had kytte awey the dede braunches fro the tre / and caſt it vpon the wulf / and it felle vpon his neck in ſuche maner that the wulf torned vpſodoun the feet vpward and laye as had ben dede / And whan the wulf myght releue and dreſſe hym ſelf / he loked and byheld vpward to the heuen / and beganne thus to crye / Ha Jupiter I ſee now wel that thow haſt herd and enhaunced my prayer / and thenne he perceyued the man whiche was vpon the tree / & wel wende that he had ben Jupiter / And thenne with alle his myght he fledde towards the foreſt ſore wounded / and rendred hym ſelf to humylyte / and more meke and humble he was afterwards than euer before he had ben fyers ne prowde / ¶ And by this fable men may knowe and ſee that moche resteth to be done of that / that a foole thynketh / And hit ſheweth to vs / that whan ſomme good cometh to ſomme / it ought not to be reffuſed / For it
Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/179
This page needs to be proofread.
QUINTUS.
163