¶ The second Fable is of the egle and of the weſel
One for what ſo euer myght that he haue / ought not to deſpreyſe the other / As hit appiereth by this preſent table of an Egle / whiche chaced ſomtyme after an hare And by cauſe that the hare myght not reſyſte ne withſtande ageynſt the egle / he demaunded ayde and helpe of the weſel / the whiche tooke hym in her kepynge / And by cauſe that the egle ſawe the weſel ſoo lytyl / he deſpreyſed her / and before her toke the hare / wherof the weſel was wrothe / And therfore the weſell wente / and beheld the Egles neſt whiche was vpon a hyghe tree / And whanne ſhe ſawe hit / the lytell weſell clymmed vpon a tree / and toke and caſt doune to the ground the yonge egles wherfore they deyde / And for this cauſe was the Egle moche wrothe and angry / and after wente to the god Jupiter And prayd hym that lie wold fynde hym a ſure place where as he niyght leye his egges and his lytyl chykynes / And Jupiter graunted hit and gaf hym ſuche a gyfte / that