228
THE FABLES
¶ The x fable is of the lyon and of the boole
T is not alweye tyme to auenge hym
ſelf of his enemye / As it appiereth
by this fable, of a bole / whiche
ſomtyme fledde before a lyon /
And as the bole wold entre within
a cauerne for to ſaue hym / a gote wente
geynſte hym for to kepe and lette hym that
he ſhold not entre in it / to whome the bole
ſayd / It is not tyme now to auenge me on the /
for the lyon that chaſeth me / but the tyme ſhalle
come that wel I ſhalle fynde the / For men
ought not to doo to hym ſelf dommage for to
be auengyd of his enemy / but oughte to loke
for tyme and place couenable for to doo hit
