to lete me goo vpon the pere tre / And I ſhalle gader for vs bothe ſome fayre peres / wel my frend ſayd the blynd man / I wylle wel & graut therto / And when ſhe was vpon the tree / the yong man begann to ſhake the pere tree at one ſyde / and the yonge woman at the other ſyde / And And as the blynd man herd thus hard ſhake the pere tree / And the noyſe whiche they made / he ſayd to them / Ha a euyelle[errata 1] woman / how be it that I ſee hit not / Neuertheles I fele and vnderſtande hit well / But I praye to the goddes / that they voucheſauf to ſende me my lyght ageyne / And as ſoone as he had made his prayer Jupiter rendryd to hym his ſyght ageyn ¶ And whanne he ſawe that pagent vpon the pere tree / he ſayd to his wyf Ha vnhappy woman / I ſhalle neuer haue no Joye with the / And by cauſe that the yonge woman was redy in ſpeche and malycious / ſhe anſuerd forth with to her huſbond / My frend thow arte wel beholden and bounden to me / For by cauſe and for the loue the goddes haue reſtored to the thy ſyght / wherof I thanke alle the goddes and godeſſes whiche haue enhaunced and herd my prayer / For I deſyryng moche that thow myght ſee me / ceſſed neuer day ne nyght to pray them / that theye wold rendre to the thy ſyghte/ wherfore the goddeſſe Venus vyſybly ſhewed her ſelf
