Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/305

 

ſhold not ete of hit / For he ete neuer no hony / And as they had done / Medius came / and demaunded of his felawes / why kepte you not parte of this mete for me / And the ſtyward anſuerd and ſayd to hym / By cauſe that thy mayſter ſayd to me / that thow ete neuer no hony / no parte of the mete was kepte for the And Medius anſuerd thenne neuer one word / but beganne to thynke/ how he myght paye his mayſter / And on a day as the ſtyward was allone with Medius / he demaunded of Medius / yf he knewe no man that coude werke as wel as his mayſter / And Medius ſayd nay / And that it was grete dommage of a ſekeneſs that he had / And the ſtyward demaunded what ſekeneſs hit was / And thenne Medius anſuerd to hym / My lord whan he is entryd in to his franſy or wodenes / there cometh vpon hym a rage / And how ſhalle I knowe hit ſayd the ſtyward / Certaynly my lord ſayd Medius / whan ye ſhall ſee that he ſhalle ſette at his werke / and that he ſhalle loke here and there / and ſhal ſmyte vpon his borde with his fyſt / thenne may ye know that his ſekeneſſe cometh on hym / And thene withoute ye take and bynde hym and alſo bete hym wel / he ſhalle doo grete harme and dommage / And the ſtyward ſayd to hym / Care not therof my frend / For wel I ſhalle beware my