Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/306

 

ſelf of hym / And on the mornynge next folowynge the ſtyward came for to ſee the tayllers / And whan Medius whiche knewe wel the cauſe of his comynge / tooke awaye ſecretely his mayſters ſheres / and hydde them / And anone his mayſter beganne for to loke after them / and ſawe and ſerched al aboute here and there / and beganne to ſmyte his fyſte vpon the borde / And thenne the mayſter ſtyward beganne to loke on his maners / and sodenly made hym to be take and holde by his ſeruaunts / And after made hym to be bond and wel beten / Thenne was the mayſter tayller al abaſſhed /and demaūded of them / My lordes wherfor doo ye bete me ſoo outrageouſly / what offenſe haue I done / wherfore I muſt be bound and thus be bete / And thenne the Styward ſayd to hym in thys maner / by cauſe that Medius told me / that thow art frantyk  And yf thow be not wel bete / thow ſholdeſt doo grete harme and dommage / And thene the mayſter came to his ſeruaunt Medius and rygorouſly ſayd to hym / Ha a euyl boye fylled whan [with] euylle wordes / whan ſaweſt thow me madde / And his ſeruaunt proudely anſuerd to hym / My mayſter whan dydeſt thow ſee that I ete no hony / And therfore I threwe to the one bole for another / And the mayſter ſtyward / and alle his ſeruaunts beganne thenne to