¶ The iiij fable maketh mencyon of the beestes and of the birdes
One maye do no good to two lordes
at ones / whiche ben cotrary one
to that other / as ſayth to vs this
fable that the beeſtes made grete
werre ageynſt the byrdes / & fought
euery day to gyder / And the backe feryng the
wulues And that the beeſtes ſhold vaynquyſſhe
and ouercome the byrdes / wold haue hold with
the beeſtes / and be ageynſt the byrdes / And
whanne the batylle was ordeyned on bothe ſydes /
the egle beganne to entre in to the batayll of
the beeſtes by ſuche a ſtrengthe / that with the
help of the other byrdes he gat the feld /
and vaynquyſſhed / and ouercame the beſtes /
wherfor the beſtes maade pees with the byrdes /
and were alle of one accord and of one wylle /
And for the treaſon that the backe had made /
ſhe was condempned to neuer ſee the day / And
neuer flee / but only by nyght / And alſo ſhe was
deſpoylled of alle her fethers / And therfore he
that wylle ſerue two lordes cōtrary one to other
may-not be good ne trewe / And they wheche
