Page:The fables of Aesop, as first printed by William Caxton in 1484, with those of Avian, Alfonso and Poggio. Vol 2.djvu/98

This page has been proofread, but needs to be validated.
82
LIBER


¶ The tenth fable maketh mencyon of the yong man / and of the comyn woman

OF the comyn and folyſſhe wymmen Eſope reherceth to vs ſuche a fable / Of a woman whiche had to name Tahys / the whiche was cauſe by her feyned loue of the dethe and loſſ of many yonge men / to one of the whiche ſhe had be bete ofte before that tyme / ſhe ſayd to hym in this wſe / My ryght dere loue and good frende / I ſuppoſe that of many one I am wel byloued and deſpred / Neuertheles I ſhall ſette my loue on thy ſelf alone / wherfore I pray the that thow mayſt be myn / and I ſhalle be thyn for alle thy goodes I retche not / but only I deſyre thy ſwete body / And he that knewe the feyntyſe and falſheed of the woman / anſuered to her / ryght benyngly and ſwetely / thy wyll and the myn ben both but one alone / For thow arte ſhe whiche I mooſt deſyre / and the whiche I ſhalle loue all the terme of my lyf / Yf thow deceyue me nomore / For by cauſe that thow haſt decyued me in tyme paſſed / I am euer aferd of the / but notwithſtondynge this /

thow