18
When she'd gang hame, to be his damne,
To ha'e a rant, an'a' that.
Todlin Hame.
Whan I've a sixpence under my thumb,
Then I'll get credit in ilka town:
But ay whan I'm poor they bid me gang by;
O! poverty parts good company.
Todlin hame, todlin hame,
Cou'dna my love come todlin hame?
Fair fa' the good-wife, and send her good sale,
She gie's us white bannocks to drink her ale,
Syne if her tippeny chance to be sma',
We'll tak' a good scour o't, and ca't awa,'
Todlin hame, todlin hame,
Cou'dna my love come todlin hame?
My kimmer and I lay down to sleep,
Wi' twa pint-stoups at our bed-feet;
And ay whan we waken'd we drank them dry:
What think ye of my wee kimmer and I?
Todlin butt and todlin ben,
And round as a neep come todlin hame.
Leeze me on good liquor, my todlin dow,
Ye're ay sae good-humour'd whan weeting your ⟨mou';⟩
