This page has been validated.

22


What though on hamely fare we dine,
Wear hodden grey, and a' that;
Gi'e fools their silk, and knaves their wine,
A man's a man for a' that.
For a' that, and a' that,
Their tinsel shew, and a' that,
An honest man, though ne'er sae poor,
Is chief o' men for a' that.

Ye see yon birkie, ea'd a lord,
Wha struts and stares, and a' that,
Though hundreds worship at his word,
He's but a cuif for a' that.
For a' that and a' that,
His ribband, star, and a' that,
A man of independent mind
Can look and laugh at a' that.

The king can mak' a belted knight,
A marquis, duke, and a' that
But an honest man's aboon his might,
Guid-faith he maunna fa' that!
For a' that, and at that,
His dignities and a' that;
The pith o' sense, and pride o' worth,
Are grander far than a' that.

Then let us pray that come it may,
As come it shall, for a' that