The Book of Scottish Song/Dear Highland Laddie

For other versions of this work, see The Dear Highland Laddie O.
2263135The Book of Scottish Song — Dear Highland Laddie1843Robert Tannahill

Dear Highland Laddie.

[Robert Tannahill.—Gaelic air, "Mor nian a Ghibarlan."]

Blythe was the time when he fee'd wi' my father, O,
Happy were the days when we herded thegither, O,
Sweet were the hours when he row'd me in his plaidie, O,
And vow'd to be mine, my dear Highland laddie, O.

But, ah! waes me! wi' their sodgering sae gaudy, O,
The laird's wyl'd awa' my braw Highland laddie, O,
Misty are the glens and the dark hills sae cloudy, O,
That aye seem'd sae blythe wi' my dear Highland laddie, O.

The blae-berry banks now are lonesome and dreary, O,
Muddy are the streams that gush'd down sae clearly, O,
Silent are the rocks that echoed sae gladly, O,
The wild melting strains o' my dear Highland laddie, O.

He pu'd me the crawberry, ripe frae the boggy fen,
He pu'd me the strawberry, red frae the foggy glen,
He pu'd me the rowan frae the wild steep sae giddy, O,
Sae loving and kind was my dear Highland laddie, O.

Fareweel, my ewes, and fareweel, my doggie, O,
Fareweel, ye knowes, now sae cheerless and scroggie, O;
Fareweel, Glenfeoch, my mammy and my daddie, O,
I will lea' you a' for my dear Highland laddie, O.