Strathbungo Jean.
[Adam Knox.—Tune, "Andro and his cutty gun."—Strathbungo is a small hamlet about a little south of Glasgow.]
Blythe, blythe could I be wi' her,
Happy baith at morn and e'en,
To my breast I'd warmly press her,
Charming maid, Strathbungo Jean.
The Glasgow lasses dress fu' braw,
And country girls gang neat and clean,
But nane o' them's a match ava
To my sweet maid, Strathbungo Jean.
Though they be dress'd in rich attire,
In silk brocade and mus-de-laine,
Wi' busk and pad and satin stays,
They'll never ding Strathbungo Jean.
Bedeck'd in striped gown and coat,
Silk handkerchief and apron clean,
Cheerfully tripping to her work,
Ilk day I meet Strathbungo Jean.
Ye gods who rule men's destinies,
I humbly pray you'll me befrien',
And aid me in my dearest wish
To gain my sweet Strathbungo Jean.
Gi'e to the ambitious priest a kirk,
Gi'e riches to the miser mean,
Let the coquette new conquests make,
But, O! gi'e me Strathbungo Jean!
No happiness all day have I,
My senses are bewilder'd clean,
In bed all night on her I cry,
My heav'n on earth, Strathbungo Jean.
Should fortune kindly make her mine,
I would not change for Britain's queen;
But fondly in my arms I'd clasp
My charming maid, Strathbungo Jean.