The Book of Scottish Song/The Corbie and Craw

The Book of Scottish Song (1843)
edited by Alexander Whitelaw
The Corbie and Craw
2269243The Book of Scottish Song — The Corbie and Craw1843

The Corbie and Craw.

[Alex. Carlile.]

The corbie wi' his roupy throat,
Cried frae the leafless tree,
"Come o'er the loch, come o'er the loch,
Come o'er the loch to me."

The craw put up his sooty head,
And look'd o'er the nest whare he lay,
And gied a flaf wi' his rousty wings,
And cried "whare tae? whare tae?"

Cor. "Te pike a dead man that's lying
A hint yon meikle stane."
Cra. "Is he fat, is he fat, is he fat, is he fat?
If no, we may let him alane."

Cor. "He cam' frae merry England, to steal
The sheep, and kill the deer."
Cra. "I'll come, I'll come, for an Englishman
Is aye the best o' cheer."

Cor. "O we may breakfast on his breast,
And on his back may dine;
For the lave a' fled to their ain countrie,
And they've ne'er been back sinsyne."