The Book of Scottish Song/Wha is she that lo'es me

2263162The Book of Scottish Song — Wha is she that lo'es me1843

Wha is she that lo'es me.

[Written by Burns to his favourite tune of "Morag." The heroine of this song is unknown.]

O wha is she that lo'es me,
And has my heart a-keeping?
O sweet is she that lo'es me,
As dews o' simmer weeping,
In tears the rose-bud steeping:
O that's the lassie o' my heart,
My lassie ever dearer;
O that's the queen o' womankind,
And ne'er a ane to peer her.

If thou shalt meet a lassie
In grace and beauty charming,
That e'en thy chosen lassie,
Erewhile thy breast sae warming,
Had ne'er sic powers alarming;
O that's, &c.

If thou hadst heard her talking,
And thy attentions plighted,
That ilka body talking,
But her by thee is slighted;
And if thou art delighted;
O that's, &c.

If thou hast met this fair one,
When frae her thou hast parted;
If every other fair one
But her thou hast deserted,
And thou art broken-hearted
O that's the lassie o' my heart,
My lassie ever dearer;
O that's the queen o' womankind,
And ne'er a ane to peer her.