The Hundred Best Poems (lyrical) in the English language - second series/O, Wert Thou in the Cauld Blast

by Robert Burns

For other versions of this work, see O Wert Thou In The Cauld Blast.

ROBERT BURNS.

I.

O, WERT thou in the cauld blast

⁠On yonder lea, on yonder lea,
My plaidie to the angry airt,
⁠I'd shelter thee, I'd shelter thee.

Or did Misfortune's bitter storms
⁠Around thee blaw, around thee blaw,
Thy bield should be my bosom,
⁠To share it a', to share it a'.

II.

Or were I in the wildest waste,

⁠Sae black and bare, sae black and bare,.
The desert were a Paradise,
⁠If thou wert there, if thou wert there.
Or were I monarch of the globe,
⁠Wi' thee to reign, wi' thee to reign,
The brightest jewel in my crown
⁠Wad be my queen, wad be my queen.