The Poetical Works of William Motherwell/Song ("If to thy heart…")
For works with similar titles, see Song.
Song.
If to thy heart I were as near
As thou art near to mine,
I'd hardly care though a' the year
Nae sun on earth suld shine, my dear,
Nae sun on earth suld shine!
Twin starnies are thy glancin' een—
A warld they'd licht and mair—
And gin that ye be my Christine,
Ae blink to me ye'll spare, my dear,
Ae blink to me ye'll spare!
My leesome May I've wooed too lang—
Aneath the trystin' tree,
I've sung till a' the plantins rang,
Wi' lays o' love for thee, my dear,
Wi' lays o' love for thee.
The dew-draps glisten on the green,
The laverocks lilt on high,
We'll forth and doun the loan, Christine,
And kiss when nane is nigh, my dear,
And kiss when nane is nigh!