The fables of Aesop by William Caxton (Jacobs)/Vol. II/Liber Secundus/Fable 14
¶ The xiiij fable is of the wulf and of the dede mans hede
Any one ben whiche haue grete
worship and glorye / but noo prudence
/ ne noo Wysedom they haue
in them wherof Esope reherceth
suche a fable / Of a wulf which
found a mans hede / the whiche he torned
vp so doune with his foote / And sayd / Ha a
how fayr hast thow be and playsaunt / And now
thow hast in the neyther wytte / ne beaute / &
yet thow arte withoute voys and withoute ony
thought / and therfore men ought not only to
behold the beautte and fayrenesse of the body /
but only the goodnes of the courage / For somtyme
men gyuen glorye and worship to some /
whiche haue not deseruyd to haue hit /