Transactions of the Linnean Society of London/Volume 10/On the Proteaceae of Jussieu/Synaphea
15. SYNAPHEA.
Char. Gen. Calyx tubulosus, ringens, laciniâ supremâ latiore. Antheræ tres, inclusæ, laterales dimidiatæ, inferior biloba: primò cohærentes, lobis proximis vicinarum loculum constituentibus! Stigma filamento superiori sterili connatum! Nux obovata.
Habitus. Frutices humiles. Folia sparsa, plana, pulcherrimè reticulata, circumscriptione cuneiformia, lobata, inferiora ejusdem fruticis sæpiùs indivisa: petioli basi dilatatâ semivaginanti. Spicæ axillares v. terminales, simplices v. ramosæ. Flores alterni, solitarii, sessiles, unibracteati. Calyx flavus, deciduus, quadripartibilis. Bractea cucullata, persistens.
Etym. συναφη connectio, ob peculiarem cohærentiam stigmatis v. apicis styli cum filamento sterili.
*1. S. favosa, foliis oblongo-cuneiformibus indivisis trilobisque: lobis integris, petiolis spicisque glabris, stigmate bicorni.
Hab. In Novæ Hollandiæ orâ australi; Lewins Land; in collibus saxosis. (ubi v. v.)
2. S. dilatata, foliis apice dilatatis trilobis: lobis inciso-dentatis, petiolis spicisque villosis, stigmate bicorni.
Conospermum reticulatum. Smith in Rees. Cyclop.
Hab. In Novæ Hollandiæ orâ australi; Lewins Land: in collibus saxosis. (ubi v. v.)
*3. S. petiolaris, foliis rameis petiolos subæquantibus tripartitis: lobis divisis planis; infimis trilobis integrisque, spicis elongatis ramosis, stigmate acuto.
Polypodium spinulosum. Burm. Ind. p. 233. t. 67. f. 1. vel ad hanc v. ad plantam congenerem pertinere videtur.
Hab. In Novæ Hollandiæ orâ australi; Lewins Land: in collibus saxosis. (ubi v. v.)
*4. S. polymorpha, foliis rameis brevissimè petiolatis tripartitis canaliculatis: lobis subdivisis; infimis indivisis trilobisque, spicis simplicibus pedunculo longioribus, stigmate acuto.
Hab. In Novæ Hollandiæ orâ australi; Lewins Land: in collibus saxosis. (ubi v. v.)