Birks of Aberfeldy/Birks of Aberfeldy

by Anonymous

---

---

 

BIRKS OF ABERFELDY.

Bonny lassie, will ye go,
Will ye go, will ye go,
Bonny lassie, will ye go,
To the Birks of Aberfeldy.

Now simmer blinks on flow'ry braes,
And o'er the crystal streamlets plays;
Come, let us spend the lightsome days
In the Birks of Aberfeldy.
Bonny lassie &c.

The little birdies blythely sing,
While o'er their heads the hazels hing,
Or lightly flit on wanton wing
In the Birks of Aberfeldy.
Bonny lassie &c.

The braes ascend like lofty wa's,
The foamy stream deep roaring fa's,
O'erhung wi' fragrent spreading shaws,
In the Birks of Aberfeldy.
Bonny lassie &c.

The hoary cliffs are crown'd with flowers,
While o'er the lins the burnie pours,
and rising, weets wi' misty showers
The Birks of Aberfeldy.
Bonny lassie &c.

Let Fortune's gifts at random flee,
They ne'er shall draw a wish frae me,
Supremely blest with love and thee,
In the Birks of Aberfeldy.
Bonny lassie &c.

 

---