Divers voyages touching the discouerie of America/Chapter 1
A latine copie of the letters patentes
of King Henrie the seuenth, graunted
vnto Iohn Gabote and his three sonnes, Lewes,
Sebastian, and Santius for the discouering of
newe and vnknowen
landes.
Enricus dei gratia rex Angliæ & Franciæ, & dominus hiberniæ, omnibus, ad quos præsentes literæ nostræ peruenerint, salutem. Notum fit & manifestum, quod dedimus & concessimus, ac per præsentes damus & concedimus pro nobis & hæredibus nostris dilectis nobis Ioanni Gaboto ciui Veneciarum, Lodouico, Sebastiano, & Santio, filiis dicti Ioannis, & eorum & cuiuslibet eorum hæredibus & deputatis plenam ac liberam authoritatẽ, facultatem & potestatem nauigandi ad omnes partes, regiones & sinus maris orientalis, occidentalis, & septentrionalis sub banneris, vexillis, & insigniis nostris, cum quinque nauibus siue nauigis, cuiuscunque portituræ & qualitatis existant, & cum tot et tantis nautis & hominibus, quot & quantos in dictis nauibus secum ducere voluerint, suis & eorum propriis sumptibut & expensis, ad inueniendum, discoperiendum, & inuestigandum quascunque insulas, patrias, regiones siue prouincias gentilium & infidelium quorumcunque in quæcunque parte mundi positas, quæ Christianis omnibus ante hæc tempora fuerint incognitæ. Concessimus etiam eisdem & eorum cuilibet, eorumque & cuiuslibet eorum hæredibus & deputatis ac licentiam dedimus ad affigendum prædictas banneras nostras & insignia in quacunque villa, oppido, castro, insula seu terra firma a se nouiter inuentis. Et quod prænominatus Ioannes & filii eiusdem seu hæredes & eorundem deputati, quascunq; hiusmodi villas, castra, oppida & insulas a se inuentas, quæ subiugari, occupari, possideri possint, subiugare, occupare, possidere valeãt, tanquã vasalli nostri, & gubernatores, loca tenentes & deputati, eorundem dominium, titilum, & iurisdictionem earundem villarum, castrorum, oppidorum, insularum, ac terræ firmæ sic inuentorum nobis acquirendo. Itæ tamen vt ex omnibus fructibus, proficuis, emolumentis, commodis, lucris, & obuentionibus ex huiusmodi nauigatione prouenientibus præfatus Ioannes & filij ac hæredes, & eorum deputati teneãtur & sint obligati nobis pro omni viagio suo, toties quoties ad portũ nostrũ Bristolliæ applicuerint (ad quem omnino applicare teneãtur, & sint astricti) deductis omnibus sũptibus & impensis necessariis per eosdem factis, quintam partem capitalis lucri facti, siue in mercibus siue in pecuniis persoluere. Dantes nos & concedẽtes eisdẽ suisq; hæredibus & deputatis, vt ab omni solutione custumarum omniũ & singulorum bonorum ac mercium, quas secum reportarint ab illis locis sic nouiter inuentis, liberi sint & immunes. Et insuper dedimus & concessimus eisdem ac suis hæredibus & deputatis, quod terræ omnes firmæ, insulæ, villæ, oppida, castra, & loca quæcunq; a se inuenta, quotquot ab eis inueniri contigerit, non possint ab aliis quibusuis nostris subditis frequentari seu visitari, absq; licentia prædictorum Ioannis & eius filiorum suorumq; deputatorum, sub pæna amissionis tã nauium, quam bonorum omniũ quorumconq; ad ea loca sic inuenta nauigare præsũentiũ. Volentes & strictissime mandantes omnibus & singulis nostris subditis tam in terra quam in mari constitutis, vt præfato Ioanni & eius filiis, ac deputatis bonã assistentiam faciant, & tam in armandus nauibus seu nauigiis, quam in prouisione quietatus & victualium pro sua pecunia emendorum, atq; aliarum omnium rerum sibi prouidendarum pro dicta nauigatione sumenda, suos omnes fauores & auxilia impertiant. In cuius rei testimonium has literas nostras fieri fecimus patentes: teste me ipso apua Westmonasteriũ quinto die Martii,5. Martii, 1495 anno regni nostri vndecimo.