Ewie wi' the Crookit Horn (no source)

by John Skinner

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

O were I able to rehearse,

My ewie's praise in proper verse,

I'd found it out as loud and fierce,

As ever piper's drone cou'd blaw.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

She never threatened scab nor rot,

but keepit aye her ane jog trot,

Baith tae the fauld and tae the cot

was never sweir tae lead nor ca'.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

When ither ewies lap the dyke,

and ate the kail for a' the tyke,

My ewie never played the like

but stayed ahint the barnie wa'.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

But wad ye think for a' my keepin

There came a nickum whan I was sleepin

There came a nickum whan I was sleepin

And stole my yowie, horn an a

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

Oh, gin I had the lad that did it

I hae sworn as weel as said it

Though the de'il himsel forbid it

I would gie his neck a thraw

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

She'd neither not carf nor keel

To mark upon her hip or heel

Her crookit horn it did as weel

To ken her o'er amang them a

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

The yowie wi the crookit horn

The yowie wi the crookit horn

My ewie wi the crookit horn

Is ta'en frae me and sto'n awa

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

Cauld nor hunger never dang her,

Wind nor weet could never wrang her;

Ance she lay a week and langer

Out aneath a wreath o' snaw

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

I lookit aye at even for her,

Lest mishanter should come o'er her.

Or the foumart might devour her,

Gin the beastie bade awa.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

Yet, Monday last, for a' my keeping,

I canna speak o't without greeting,

A villain came when I was sleeping,

And staw my ewie, horn and a'.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

I sought her sair upon the morn,

And down aneath a buss o thorn

I got my ewie's crooked horn,

But ah! my ewie was awa'.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

But gin I had the loon that did it,

I hae sworn as weel as said it,

Though the Laird himsel forbid it,

I wad gie his neck a thraw.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

O! had she dee'd o' crook or cauld,

As ewies do when they are auld,

It wadna been by mony fauld

Sae sair a heart to nane o's a'.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa

For a' the claith that we hae worn,

Frae her and her's sae aften shorn,

The loss o her we could hae borne,

Had fair strae death taen her awa'.

Oh, the yowie wi the crookit horn

A' that kent her could hae sworn

That sic a yowie ne'er was born

Here aboot or far awa