Four excellent songs (10)/The Laird of Cockpen

SONGS

---

THE LAIRD OF COCKPEN.

The Laird o’ Cockpen he’s proud an’ he’s great,
His mind is ta’en up wi’ the things o’ the state,
He wanted a wife his braw house to keep,
But favour wi’ wooin’ was fashions to seek.

Doun by the dyke-side a lady did dwell;
At his table-head he thocht she’d look well;
M‘Clish’s ae dochter o’ Claverseha’ Lee;
A pennyless lass wi’ a lang pedigree.

His wig was weel-powder’d, as guid as when new,
His waistcoat was white, his coat it was blue,
He put on a ring, a sword and cock’d hat,
And wha could refuse the Laird wi’ a’ that.

He took the grey mare, and rade cannily,
An’ rapped at the yett o’ Claverseha’ Lee,
Gao tell Mistress Jean to come speedily ben,
She’s wanted to speak to the Laird o’ Cockpen.

Mistress Jean was making the elder-flower wine,—
-And what brings the Laird at sic a like time,

She put aff her apron, an’ on her silk gown.
Her mutch wi’ red ribbons, and ran awa down.

An’ when she came down, she bowed fu’ low.
An’ what was his errand he soon let her know,
Amaz’d was the Laird when the lady said—na;
And wi’ a laigh courtesy she turn’d awa.

Dumfounder’d he was—he nae sigh did gie;
He mounted his mare and rade cannily;
An’ aften he thocht as he gaed through the glen,
She’s daft to refuse the Laird o’ Cockpen.

Near to the house amang the lang trees,
There he did meet sweet Jeanie Greenlees;
At his table she sits like a white-tappit hen,
And mickle thinks she o’ the Laird o’ Cockpen.

---