Jim Crow/Auld langsyne

AULD LANGSYNE.

Should auld acquaintance be forgot,
And never brought to min’?
Should auld acquaintance be forgot,
And days o’ langsyne?
For auld langsyne, my dear,
For auld langsyne,
We’ll take a cup of kindness yet,
For auld langsyne.

We twa hae run about the braes,
And pu’d the gowans fine;
But we’ve wander’d mony a weary foot,
Since auld langsyne.
For auld langsyne, &c.

We twa ha’e paidel’t in the burn,
Frae morning sun till dine;
But seas between us braid hae roared
Sin’ auld langsyne.
For auld langsyne, &c.

Now there’s a hand my trusty frien’,
And gie’s a hand o’ thine,
And we’ll take a right gude wallie-waucht,
For auld langsyne.
For auld langsyne, &c.

And surely ye’ll be your pint-stoup,
As sure as I’ll be mine,
And we’ll take a cup o’ kindness yet,
For auld langsyne.
For auld langsyne, &c.