Ic þe secge. Samuel.
Saga me. hwa wrat boc stafas ærest.
Ic þe secge. Mercurius se gigant.
Saga me. hwa sette ærest wineardas. of þe hwa dranc ærest win.
Ic þe secge. Noe.
Saga me. hwa wære ærest læce.
Ic þe secge. Aslerius se wæs cwæden.
Sæga me. hwæt sint þa twegen men on neorxnawange ⁊ þas gelomlice wepað. ⁊ beoð unrote.
Ic þe secge. enoc ⁊ helias. hi wepað for þá ðe hi sceole cuma on ðisne middangeard ⁊ beon deade. þeah hẏ ær þoń deað longe ẏldon.
Saga me. hwær wuniað hẏ.
Ic þe secge. Malifica. ⁊ intimphonis. ꝥ is on simfelda ⁊ on sceanfelda.
Saga me. for hwá si se hreuen swa sweart. þe ær wæs hwit.
Ic þe secge. for þẏ þe eft nege hwirfde tó noe. into þære arke. þe he ær of gesend was.
Saga me. for hwam se hrefen þurh gehẏrsumnisse geþingode. ꝥ he ær þurh ofer modignesse agilte.
Ic þe secge. þa he fedde heliam. þa inéode he to þam westenne. ⁊ him þenode.
Saga me. hwær bẏð mannes mod.
