6
He ca‘d her ay his bonnie thing,
And monie a sappy kiss she gat.
Blythe, &c.
I hae been east, we hae been west,
I hae been far ayont the sun,
But the cleverest lad that e er I saw,
Was Andro wi'his cutty gun.
Blythe, &c.
THE LASSIE I LOO BEST OF A’.
Hae you seen, in the calm dewy morning,
The red-breast wild warbling sae c'ear;
Or the low-dwelling, snow-breasted gowan,
Surcharg'd wi’ mild e'ening's soft tear?—
O, then you hae seen my dear lassie,
The lassie I loo best of a’;
But far frae the hame o‘ my ⟨lassie⟩,
I'm monie a lang mile awa.
Her hair is the wing o' the blackbird,
Her eye is the eye o’ the dove,
Her lips are the ripe blushing rose bud,
Her bosom's the palace of love!
Tho' green by thy banks, O sweet Clutha,
Thy beauties ne’er charm me ava;
