Page:Bruce's address (1).pdf/2

 

Bruce's Address.

Scots! wha hae wi' Wallace bled,
Scots! wham Bruce has aften led;
Welcome to your gory bed,
 Or to glorious victory.

Now's the day, an' now's the hour,
See the front of battle lour;
See approach proud Edward's pow'r;
 Edward, chains, an' slavery.

Wha will be a traitor knave?
Wha can fill a coward's grave?
Wha sae base as be a slave?
 Traitor, coward, turn an' flee.

Wha for Scotland's king an' law,
Freedom's sword will strongly draw,
Freeman stand, or freeman fa',
 Caledonian, on wi' me.

By oppression's woes and pains;
By your sons in servile chains;
We will drain our dearest veins.
 But they shall be, shall be free.