|
ihesu, the whiche was conseyuyd be þe myght of þe holy gost, and born of þe blessid mayden, owre ladi seynt marie? Credo. Beleuest thow that he leued here two and thritty ᵹer and more, and suffred at þe last, deth on þe cros for þe loue of mankende? Credo. Beleuyst þow that he wente to helle & took owt adam and eue and the sowles þat were þerynne, the whych myᵹth not come to blysse til cristes passioun? Credo. Beleuyst thow þat he ros vp fro deth on estir day, and dwellede her til ascensioun day, to preue ve[1]rily his resurreccioun? Credo. Beleuyst þow that thanne he styal vp in-to heuene be his myᵹth, god and man, and there is euyn in maieste with his fader? Credo. Beleuyst þow þat he schal come at the day of dome to deme þe gode and þe badde? Credo. Beleuyst þow in þe holi gost, the thridde persone in trinite, and in holy cherche, and þat þe sacrementis of holy chirche aren ordeyned in remissioun of mannys senne? Credo.
|
men þat bene saued; and fore gladnes of suche felauschip be þou of good confort in god, þynke how þow muste after þis lyfe leye a stone in þe wałł of þe cite of heuene, sclely with outen noise or strife, and þerfore, or þou wende out of þis world, þou polissch þi stoon and make it redi, ᵹif þou wolt not þere be lettid. ¶ Þis stoon is þy soule, whiche þou muste make stronge þorougħ right bileue; and faire þou muste hit clense, þorougħ hope of goddis merci and perfite charite, the whiche coueritħ þe multitude of synnes. þe noyse…——— [2]How a man schulde conforte annothere, þat he gruche nought when he is seke. Broþer or sister, louyst þou god þi lorde? he or sche, ᵹif þey may speke, wołł sey 'ᵹhee,'[3] or perauenture, ᵹif þey may not speke, þenke 'ᵹhee.' ¶ þan þus, ᵹif þou lovest god… [4]Ᵹiffe detħ goo faste on a man, Speke to hym thesse wordis. Broþer or Systere in god, ᵹif þou see or. . . . . . [5]Now when þou hast seyde ałł þis, or Ᵹif þow maist not seye ałł for hastynge of detħ, beginne here or his mynde go from hym. Broþer or sister, art þou glad þat þow schalt dye in cristyn feythe?
|
Page:English fragments from Latin medieval service-books.pdf/19
From the Office for the Visitation of the Sick.
7
