CARLSBAD.
FIVE and twenty years before Wenzel Payer, of Ellbogen (¹), wrote the first medical treatise on the hot springs of Carlsbad, a bohemian nobleman, Bohuslas de Lobkowitz (²), sung their virtues in the following hexameters:
IN THERMAS CAROLI IV.
Fons. Heliconiadum merito celebrande cohorti,
Unde tibi latices calidi, venaeve meantis
Sulphuris, aut vivae, dictu mirabile, calcis?
Per terras Siculamne ignis qui provocat Aetnam,
Id facit? An Stygii forsan vicinia Ditis
Has tepefecit aquas? Baïarum littora cedant.
Atque Antenoreum prospectans unda Timavum.
Et quae caeruleo consurgit proxima Rheno,
Nobilitata tuo, sanctissime Carole regum,
Interitu. Quantas emittit in aëra bullas!
Aspice quam varie lapides et marmora pingit
Per quaecunque fluit! Vix ipsa coloribus Iris
Collucet totidem! Felix per secula mana,
Fous sacer, humano generique salutifer esto!
Redde seni validas vires, pavidaeque puellae
Formosam confer faciem, morbisque medere
Omnibus, et patrias accedat laetior oras
Quisquis in hâc lymphâ fragiles immerserit artus!
