Nae lintwhite on a’ the gay plain,
Nae gowdspink sae bonny as she.
I whistled, I pip’d, and I sang;
I woo’d, but I cam nae great speed:
Therefore I maun wander abroad,
And lay my banes far frae the Tweed.
To Maggy my luve I did tell;
My tears did my passion express:
Alas! for I lo’ed her o’er weel,
And the women loo sic a man less.
Her heart it was frozen and cauld.
Her pride had my ruin decreed;
Therefore I maun wander abroad,
And lay my banes far frae the Tweed.
O LET ME IN THIS AE NIGHT.
O lassie, art thou sleeping yet?
Or art thou wauken, I would wit?
For love has bound me hand and foot,
And I would fain be in, jo.
O let me in this ae night,
This ae, ae, ae night;
For pity's rake this ae night,
O rise and let me in, jo.
Out owre the moss, out owre the muir,
I came, this dark and drearie hour,
And here I stand without the door,
Amid the pouring storm, jo.
