18 Hame and a' its fond attractions Fast to Will's warm bosom flee; While the thoughts o' dear connections Swell its heart and blind his e'e. "Monster! wha could leave neglected Three sma' infants and a wife, Naked-starving-unprotected ! Them, too, dearer ance than life. Villian! wha wi' graceless folly Ruined her he ought to save. Changed her joys to melancholy, Beggary, and perhaps a grave!” Starting, wi' remorse distracted, Crushed wi' grief's increasing load, Up he banged ; and, sair afflicted, Sad and silent took the road. Sometimes briskly, sometimes flaggin', Sometimes helpit, Will got forth; On a cart, or in a waggon, Hirplin' aye towards the north. Tired ae e'enin', stepping hooly, Pondering on his thrawart fate, In the bonny month o' July, Willie, heedless, tint his gate. Soft the southlin breeze was blawin', Sweetly sughed the green aik wood; Loud the din o' streams fast fa'ing, Strak the ear wi' thundering thud. Ewes and lambs on brae ran bleeting, Linties chirped on ilka tree; Frae the west, the sun, near setting, Flamed on Roslin's towers* sae hie. Roslin Castle.
Page:History of Will and Jean.pdf/18
