21 Silent he stepped on puir fellow! Listening to his guide before, Owre green knowe and flowery hallow, Till they reached the cot-house door. Laigh it was, yet sweet though humble, Decked wi' honeysuckle round; Clear below, Esk's waters rumble, Deep glens murmuring back the sound. Melville's towers,* sae white and stately, Dim by gloamin' glint to view ; Through Lasswade's dark woods keek sweetly Skies sae red, and lift sae blue. Entering now, in transport mingle Mither fond and happy wean, Smiling round a canty ingle, Bleazin' on a clean hearth-stane. "Soldier, welcome ! come be cheerie, Here ye’se rest and tak your bed ; Faint, waes me! ye seem, and weary, Pale's your cheek so lately red." "Changed I am," sighed Willie till her ; “Changed nae doubt, as changed can be ! Yet, alas ! does Jeanie Miller Nought o' Willie Gairlace see?” Ha'e ye marked the dews o' morning, Glittering in the sunny ray, Quickly fa', when, without warning, Rough blasts cam and shook the spray? Melville Castle, the seat of the Right Honourable Dundas, afterwards Viscount Melville.
Page:History of Will and Jean.pdf/21
