Page:I. Beówulf- an Anglo-Saxon poem. II. The fight at Finnsburh- a fragment (IA cu31924031292604).pdf/15

BEÓWULF.

I. The Passing of Scyld.

HWÄT! We Gār‐Denain geār‐dagum
þeód‐cyningaþrym gefrūnon,
hū þā äðelingasellen fremedon.
Oft Scyld Scēfingsceaðena þreátum,
5 monegum mægðummeodo‐setla ofteáh.
Egsode eorl,syððan ærest wearð
feá‐sceaft funden:he þäs frôfre gebâd,
weôx under wolcnum,weorð‐myndum ðâh,
ôð þät him æghwylcþâra ymb‐sittendra
10 ofer hron‐râdehŷran scolde,
gomban gyldan:þät wäs gôd cyning!
þäm eafera wäsäfter cenned
geong in geardum,þone god sende
folce tô frôfre;fyren‐þearfe ongeat,
15 þät hie ær drugonaldor‐leáse
lange hwîle.Him þäs lîf‐freá,
wuldres wealdend,worold‐âre forgeaf;
Beówulf wäs breme(blæd wîde sprang),
Scyldes eaferaScede‐landum in.
20 Swâ sceal geong guma,gôde gewyrcean,
fromum feoh‐giftumon fäder wine,
þät hine on yldeeft gewunigen
wil‐gesîðas,þonne wîg cume,
leóde gelæsten:lof‐dædum sceal
25 in mægða gehwæreman geþeón.
Him þâ Scyld gewâttô gescäp‐hwîle
fela‐hrôr fêranon freán wäre;
hi hyne þâ ätbærontô brimes faroðe.